Azadsöz.az xəbər verir ki, 44 günlük Vətən müharibəsində qəhrəmanlıq göstərərək, şəhidlik zirvəsinə ucalan Fərid Zakir oğlu Mövsümovun Göyçayda küçələrdən birinə adının verilməsi münasibətilə tədbir keçirilib.Tədbirdə rayon İcra Hakimiyyətinin başçısı, din xadimləri, şəhidin yaxınları, qazilər və digər şəxslər iştirak ediblər.
İlk olaraq tədbir iştirakçıları Şəhidlər Xiyabınına gedərək şəhidin xatirəsini ehtiramla yad edib, məzarı önünə gül dəstələri düzüblər.Rayon İcra Hakimiyyətinin başçısı Mehdi Səlimzadə çıxış edərək şəhidimizin keçdiyi döyüş yolundan, qəhrəmanlıq əzmkarlığından danışıb.Vətən müharibəsində ordumuzun nəyə qadir olduğunu diqqətə çatdıran rayon rəhbəri illər keçsədə şəhidlərimiz gələcək nəsillərə əbədi yaşar tarix qoyduqlarını vurğulayıb.
Tədbirin sonunda şəhidin yaxınları göstərilən diqqət və qayğıya görə, İlham Əliyevə, Birinci vitse-prezident Mehriban xanım Əliyevaya, rayon rəhbərliyinə təşəkkürünü bildiriblər.
Xatırladaq ki, oktyabrın 30-da torpaqlarımızın bütövlüyü uğrunda gedən döyüşlərdə qəhrəmancasına şəhid olan Fərid Mövsümov ölümündən sonra “Vətən uğrunda” medalı ilə təltif olunub.