Prezident İlham Əliyevin Qarabağ müharibəsi əlillərinə, veteranlara və şəhid ailələrinə göstərdiyi qayğı və diqqət dövlət siyasətinin mühüm prioritetlərindən biridir. Əlil və şəhid ailələrinin mənzil və məişət şəraitinin yaxşılaşdırılması bununla yanaşı onların sosial vəziyyətlərinin müsbətə doğru həlli istiqamətində görülən işlər dövlət başçısının əvəzolunmaz xidmətlərindən xəbər verir.Amma, bu gün bəzi yerli icra orqanlarının rəhbərləri və nümayəndələri ölkənin həssas qrupundan olan ailələrə düzgün şəkildə xidmət edib, vəzifə borclarını layiqincə yerinə yetirmirlər. Səkkiz ildi haqqına sahib çıxa bilməyən və incidilən bir qazi ailəsini sizlərlə yaxından tanış edəcəyik.
Abşeron rayonu, Mehdiabad qəsəbəsində məcburi köçkünlər üçün inşa edilmiş “Qarant” yaşayış kompleksində bina 10, mənzil 30-da məskunlaşan Füzuli rayonundan məcburi köçkün, Birinci Qarabağ müharibəsində başından güllə yarası alaraq ağır yaralanan 1-ci qrup əlil (başının bir hissəsi kapron, bir hissəsi isə iflicdi.Bədənin yalnız 20 % işləyir) İmranov Ramil İmran oğlunun haqlı səsinə səs verən yoxdur. Qazimizin həyat yoldaşı İmranova Əfsanə Oruc qızı Azadsöz.az-a şikayət məktubu göndərib.
Azadsöz.az-a Əfsanə İmranovanın müraciətini təqdim edir:
“ Yoldaşım iş qabiliyyətini itirdiyindən və sosial vəziyyətimiz ürək açan olmadığından Prezident İlham Əliyevə 2014-cü ildə məktub ünvanlayaraq kömək istədim.Dövlət başçısının göstərişinə əsasən, Abşeron rayon İcra Hakimiyyətinin başçısı İradə Gülməmmədovanın tərəfindən Abşeron rayonu Mehdiabad qəsəbəsi ərazisində 0,0080 ha torpaq sahəsi ayrılaraq, bir mərtəbəli ( 79,50 m) qeyri-yaşayış obyektinin tikintisinə icazə verilib.Hal-hazırda həmin qeyri-yaşayış obyekti iki hissəyə bölünüb.Bir hissəsi gözəllik salonu bir hissəsi isə aptek kimi fəaliyyət göstərir.Bizə verilən qeyri-yaşayış obyektinin müəyyən hissəsi 2014-cü ildə Abşeron rayonu, Mehdiabad qəsəbəsində məcburi köçkünlər üçün inşa edilmiş “Qarant” yaşayış kompleksinə təyin olunan “JEK” müdiri Əliyev Səfa Tahir oğlu işlədiyi müddətdə qanunsuz olaraq Abşeron rayonu Mehdiabad qəsəbəsi “Qarant” yaşayış kompleksində yaşayan Cəbrayıl rayonundan məcburi köçkün Məmmədov Məmmədəli Mustafa oğluna verilib, Məmmədəli Məmmədovda həmin yerə dəmir qaraj qoyub. Sonradan “JEK” müdiri Əliyev Səfa Tahir oğlu işindən azad edilib.2019-cu ildə Quliyev Tuqay Elman oğlu Abşeron rayonu Mehdiabad qəsəbəsi “Qarant” yaşayış kompleksinə “JEK” müdiri təyin olunub.
Qanunsuzluq bağlı Abşeron Rayon Məhkəməsinə, Azərbaycan Respublikası Ali Məhkəməsinə müraciət etdim haqlı olduğum üçün hər iki məhkəmə mənim xeyirimə qərar çıxartdı.Məhkəmə qərarının icra olunması üçün Abşeron rayon icra və probasiya şöbəsinin icra məmuru Vadim Əliyevə göstəriş verildi. Amma, bun günə kimi Vadim Əliyev və Abşeron rayon icra və probasiya şöbəsinin rəis müavini Emil Hadıyev tərəfindən məhkəmənin qərarı icra olunmur.Vadim Əliyev işini icra etməkdənsə bir dəfə Abşeron Rayon Məhkəməsinə, iki dəfə də Sumqayıt Apelyasiya Məhkəməsinə mənimlə bağlı şikayət edib. Ancaq, məhkəmə onun şikayətini təmin etməyib.
Bildirim ki, Abşeron rayon icra və probasiya şöbəsinin icra məmuru Vadim Əliyev və Abşeron rayon icra və probasiya şöbəsinin rəis müavini Emil Hadıyev özünün və “JEK” -in işçiləri birlikdə qanunsuz akt hazırlayaraq, mənim imzam olmadan imzalayıblar. Həmin aktı Abşeron rayon İcra Hakimiyyətinin başçısı İradə Gülməmmədovanın birinci müavini İlham Quliyevdə imzalayıb.Narazılığımı bildirəndə qeyd edir ki, mənim o sənəddən xəbər yoxdur.Haqlı tərəf olmağıma baxmayaraq, “JEK” müdiri Tuqay Quliyev ailəmə qənim kəsilib.Onun qanunsuz hərəkətlərindən bezərək, obyekti bir il işlədə bilmədim. JEK” müdiri Tuqay Quliyev, işçisi Zakir Hüseynov və digər səkkiz nəfər birləşərək ərzə yazırlar ki, mənə məxsus olan aptek bağlasın görə qanunsuzdur.Abşeron rayon icra və probasiya şöbəsinin rəis müavini Emil Hadıyev Azərbaycan Respublikası Ədliyyə Nazirliyində İcra baş İdarəsinin məsləhətçisi Samir Məmmədova məktub ünvanlayaraq bildirib ki, Abşeron rayonu, Mehdiabad qəsəbəsi ərazisində yerləşən dəmir qarajın yerini müəyyən etmək olmur.Bu zaman belə bir sual ortaya çıxır Hörmətli Emil müəllim əgər qeyd etdiyin yeri tapa bilməmisənsə onda necə qanunsuz məktub yazıb, Azərbaycan Respublikası Ədliyyə Nazirliyinə göndərmisən?.
Ədliyyə Nazirliyində İcra baş İdarəsinin məsləhətçisi Samir Məmmədovda öz növbəsində mənə məktub ünvanlayıb.Məktubda bildirilir ki, “İcraat dövründə Abşeron rayonu, Mehdiabad qəsəbəsi ərazisində yerləşən dəmir qarajın yerləşdiyi yeri müəyyən etmək mümkün olmadığından icra sənədi icra məmurunun 19.03.2021- ci il tarixli qərarı ilə “İcra haqqında” Azərbaycan Respublikası Qanununun 70.4-cü maddəsinə əsasən məhkəməyə geri qaytarılmışdır”.
Bu günə kimi döymədiyim qapı,şikayət etmədiyim ünvan qalmayıb, problemi həll edən yoxdur.Abşeron Rayon Prokurorluğuna şikayət ərzəsi vermişəm.“JEK” müdiri Tuqay Quliyev və Abşeron rayon icra və probasiya şöbəsinin icra məmuru Vadim Əliyev prokurorluğa çağrılıb.Ancaq, bu günə kimi müsbət nəticə yoxdur”.
İnanırıq ki, qazi ailəsinin bu müraciətindən sonra adiyyatı qurumlar problemin müsbət həllinə doğru çalışacaqlar.İmranova Əfsanə Oruc qızının əlaqə nomrəsi: 070-386-06-00.
Qeyd edək ki, mövzuya yenidən qayıdacayıq.
