Azadsöz.az xəbər verir ki, Azərbaycanın hər yerində olduğu kimi Göyçayın bəzi kəndlərində də yay fəsli ilə əlaqədar su problemi yaranıb.Səbəb kəndlərin ərazisindən keçən su arxlarının, şirə kanallarının təmizlənməsinə baxmayaraq, isti yay aylarında yağıntının yağmaması, çaylarda suyun səviyyəsinin aşağı düşməsi sakinləri su qıtlığı ilə üz-üzə qoyub.
Sözügedən məsələ ilə bağlı bir neçə gün bundan əvvəl Göyçayın Çaxırı kəndinin bir qrup sakini rayon icra hakimiyyətinin qarşısına toplaşaraq, problemin həll olunmasını istəyiblər.
Qeyd edək ki, məsələ ilə bağlı Göyçay rayon icra hakimiyyətindən reaksiya verilib. 10 avqustda rayonun icra başçısının 1 ci müavini İkram Vəliyev həmin şəxsləri qəbul edərək, dinləyib.
Xatırladaq ki, mövcud vəziyyət barədə komissiya yaradılıb, rayon suvarma sistemləri idarəsinə lazımı tapşırıqlar verilib.
