Şəhid Paşa Salamovun xatirəsinə tikilən bulaq istifadəyə verilib-FOTO

Azadsöz.az  xəbər  verir  ki,  iyunun 21-də Göyçayın Çərəkə kəndində şəhid Salamov Paşa Həkim oğlunun xatirəsinə tikilən bulağın açılışı olub.Açılış mərasimində rayon icra hakimiyyətinin başçısı Mehdi Səlimzadə, icra aparatının məsul əməkdaşları, hüquq-mühafizə orqanlarının rəhbərləri, şəhidin ailə üzvləri, kənd sakinləri iştirak ediblər.

Şəhidin adına tikilən  bulağın  rəmzi qırmızı lenti kəsildikdən sonra bulağa  baxış  keçirilib.Şəhidimizin  keçdiyi  döyüş  yolundan,  qəhrəmanlıq  əzimkarlığından  geniş  söhbət  olunub.

Daha  sonra tədbir iştirakçıları kənd qəbiristanlıqlarında dəfn edilmiş birinci və ikinci Vətən müharibəsi şəhidlərinin məzarlarını ziyarət edib gül dəstələri düzüblər.

Tədbirin  sonunda  şəhidin ailə üzvləri və kənd sakinləri şəhid və qazi ailələrinə göstərilən diqqət və qayğıya görə prezident  İlham Əliyevə, Birinci vitse-prezident Mehriban xanım Əliyevaya və  rayon rəhbərliyinə minnətdarlıqlarını bildiriblər.