Azadsöz.az xəbər verir ki, tanınmış azərbaycanlı rəssam Eldar Zeynalov Türkiyədə yeni növ koronavirus (COVID-19) infeksiyasından vəfat edib.Rəssam bir neçə dəfə ürək əməliyyatı keçirib.
Qeyd edək ki, E.Zeynalov 1961-ci ildə Naxçıvan şəhərində doğulub. Ə.Əzimzadə adına Rəssamlıq Məktəbini, Moskva Memarlıq İnstitutunu, Beynəlxalq Bioenerji texnologiya Akademiyasını bitirib.
Rəssam uzun illər İtaliyada yaşayıb. Əsərləri İtaliyada, Avstraliyada, Yeni Zelandiyada, ABŞ-da, Yaponiyada, Avropa ölkələrində, Türkiyədə, Pakistanda, İranda və digər ölkələrdə nümayiş olunub.
