Göyçay rayonunda Prezident İlham Əliyevin müvafiq Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilməsi ilə bağlı Rayon İcra Hakimiyyətinin təsdiq etdiyi Tədbirlər Planına uyğun olaraq rayonda yaşıllıq zolaqlarının salınması və müxtəlif növ dekorativ güllərin əkilməsi işləri davam etdirilir.
Azadsöz.az xəbər verir ki, Göyçay Dövlət Aqrar İnkişaf Mərkəzinin əməkdaşları ağacəkmə aksiyasında iştirak ediblər.
Aksiya iştirakçıları Bakı-Şamaxı-Yevlax avtomobil yolunun rayonun Bığır və Qarabaqqal kənd inzibati ərazi dairəsi üzrə nümayəndəliyin ərazisinin keçən hissəsində təmizlik işləri aparıblar.
Əkilməsi nəzərdə tutulan ağacların yerləri müəyyənləşdirilib, çalalar qazılıb və digər zəruri hazırlıq işləri görülüb.
Daha sonra 100 ədəd şam ağacı əkilib. Yeni əkilən ağaclara küləkdən qorunması üçün dirəklər basdırılıb, suvarılıb.
“Yaşıl dünya naminə həmrəylik ili” çərçivəsində keçirilən ağacəkmə aksiyasının məqsədi ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, iqlim dəyişikliyi ilə mübarizəyə töhfə verməkdir.
Səbuhi Eltonlu
