Göyçay rayonunda Prezident İlham Əliyevin müvafiq Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilməsi ilə bağlı Rayon İcra Hakimiyyətinin təsdiq etdiyi Tədbirlər Planına uyğun olaraq rayonda dekorativ güllərin əkilməsi davam etdirilir.
Azadsöz.az xəbər verir ki, 24 oktyabr tarixində Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsi tərəfindən “Yaşıl dünya naminə həmrəylik ili” ilə əlaqədar rayon İcra Hakimiyyətinin binasının qarşısına biola dekorativ gülün əkilməsi işlərinə başlanıb.
Əkilməsi nəzərdə tutulan güllərin yerləri müəyyənləşdirilib, çalalar qazılıb və digər zəruri hazırlıq görülüb.
Daha sonra əkilməsi həyata keçirilib.Yeni əkilən güllər suvarılıb və aqrotexniki qulluq göstərilib.
Qeyd edək ki, rayon İcra Hakimiyyəti binasının qarşısına 30 ədəd dekorativ gül əkilib.
Bu gün rayonun müəyyən olunmuş ərazilərinə ümumilikdə 100 ədəd dekorativ gül əkilib.
“Yaşıl dünya naminə həmrəylik ili” çərçivəsində keçirilən ağac və gül kollarının əkilməsi aksiyasının məqsədi ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, iqlim dəyişikliyi ilə mübarizəyə töhfə verməkdir.
Ağac və gül kollarının əkilməsi aksiyası növbəti günlərdə də davam etdiriləcəkdir.
Xatırladaq ki, 18-27 oktyabr tarixlərində Göyçay Rayon İcra Hakimiyyəti tərəfindən Bakı-Şamaxı-Yevlax avtomobil yolunun kənarlarına ümumilikdə 10000 ədəd müxtəlif növ ağac və gül kollarının əkilməsi nəzərdə tutulmuşdur.
Gülşən Muradova
Zəka Nağıyev
Arif Heydərov
