Azadsöz.az xəbər verir ki, İsmayıllı şəhərində birmərtəbəli evdə yanğın hadisəsi baş verib.
Yanğının söndürülməsi üçün əraziyə FHN-nin İsmayıllı Dövlət Yanğından Mühafizə Hissəsinin yanğınsöndürən avtomobili və canlı qüvvəsi cəlb olunub.
Bildirilir ki, ümumi sahəsi 80 m² olan birmərtəbəli 3 otaqlı evin dam örtüyünün taxta atmaları 80 m² sahədə, evə bitişik, sahəsi 40 m² olan talvarın yanar konstruksiyaları, 25 ton ot bağlaması və ümumi sahəsi 80 m² olan tövlənin yanar konstruksiyaları yanıb.
Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.