Azadsöz.az xəbər verir ki, hadisə dünən gecə saatlarında rayonun Ə.Kərim və M.Füzuli küçələrinin kəsişməsində baş verib.
Hərəkətdə olan “VAZ 2107” və “Mercedes” markalı minik maşınları toqquşub.
Qəza zamanı “VAZ 2107” avtomobilində olanlar-İsmayıllı rayonunun İvanovka kənd sakinləri, 1950- ci il təvəllüdlü Kozlovtseva Mariya Timofeyevna qızı və 1987-ci il təvəllüdlü Radayeva Tatyana İvanovna qızı müxtəlif dərəcəli xəsarətlər alıblar.
Hadisə yerinə Göyçay təcili tibbi yardım briqadasının əməkdaşları və polis cəlb olunub.Yaralılar xəstəxanaya çatdırılıblar.
Xəstəxanadan Azadsöz.az-ın sorğusuna cavab olaraq bildirilib ki, müayinə zamanı yaralılara sağ baldırın aşağı 1/3 səthinin və sol qulağın arxa nahiyyəsinin cızılması diaqnozu qoyulub.Onlar ilkin tibbi yardım göstərildikdən sonra evə buraxılıblar.
Faktla bağlı araşdırma aparılır.
Səbuhi Eltonlu
