Azadsöz.az xəbər verir ki, Yunanıstanın Saloniki şəhərində keçirilən 15 və 17 yaşlı yeniyetmələr arasında ağırlıqqaldırma üzrə Avropa birinciliyi davam edir.
Yaşı 15-ə qədər olan atletlər arasında yarıışan Elman Kurdanov (67 kq) gümüş medal qazanıb.
O, birdənqaldırma hərəkətində 100 kq-ı ram edərək, Avropa birinciliyinin bürünc medalına sahib çıxıb. Atletimiz təkanla qaldırma hərəkətində 124 kq-ı baş üzərinə qaldırıb. Bu ona gümüş qazandırıb. Toplamda 224 kq (100+124) nəticə ilə Elman yekun sıralamada da gümüşə sahib çıxıb.
Qeyd edək ki, yaşı 15-ə qədər olan atletlər arasında Kamran Xappayev (61 kq) qızıl, Nuray Əbilova (40 kq) gümüş, Malikə Biçekuyeva (55 kq) bürünc medal qazanıb.