Azadsöz.az xəbər verir ki, yanğın hadisəsi rayonun Səməd Vurğun küçəsində yerləşən “İvan” adlı kafedə baş verib. Ümumi sahəsi 290 m² olan birmərtəbəli kafedə baş verən yanğının söndürülməsi üçün əraziyə FHN-nin Göyçay Dövlət Yanğından Mühafizə Hissəsinin 3 yanğınsöndürən avtomobili və canlı qüvvəsi cəlb olunub.
Belə ki, ümumi sahəsi 290 m² olan birmərtəbəli kafenin yanar konstruksiyaları yanıb. Yüksək temperaturdan bitişik ümumi sahəsi 1291 m² olan üçmərtəbəli “Çinar” otel binasının xarici divarına quraşdırılan 4 ədəd kondisionerin mühərriki və 1 ədəd plastik pəncərə çərçivəsi əriyib.
Otel binası yanğından mühafizə olunub. Yanğın yanğından mühafizə bölmələri tərəfindən söndürülüb.
Səbuhi Eltonlu
