22 İyun 2024 19:59

Heydər Əliyev prospektinin girişinə dekorativ güllər əkildi-FOTOLAR

Göyçay rayonunda Prezident İlham Əliyevin müvafiq Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilməsi ilə bağlı Rayon İcra Hakimiyyətinin təsdiq etdiyi Tədbirlər Planına uyğun olaraq rayonda dekorativ güllərin əkilməsi  davam  etdirilir.

Azadsöz.az xəbər verir ki, 23 may  tarixində  Göyçay  Rayon İcra Hakimiyyəti yanında  Şəhər Təsərrüfatı Birliyinin  Yaşıllaşdırma  Sahəsinin işçi  kollektivi tərəfindən  Heydər Əliyev prospektindən rayonun girişini bildirən  “Göyçay”   giriş lövhəsinin qarşısındakı  yaşıllıq  ərazisinə dekorativ güllərin əkilməsi  işləri davam etdirilib.

İlkin olaraq  ərazinin  ot örtüyü biçilərək səliqəyə salınıb. Əkilməsi  nəzərdə  tutulan   dekorativ güllərin  yeri   müəyyənləşdirilib,  torpaq  örtüyü  hamarlanıb, çalalar qazılıb və digər zəruri hazırlıq işləri  görülüb.

Daha sonra  əkilməsi  həyata  keçirilib. Yeni əkilən güllər  suvarılıb və aqrotexniki qulluq göstərilib. 

Qeyd  edək ki,  sözügedən  əraziyə  20 ədəd  kalendra  gülü  əkilib.

Xatırladaq ki, 16 aprel  tarixində  Göyçay  Rayon İcra Hakimiyyəti yanında  Şəhər Təsərrüfatı Birliyinin  Yaşıllaşdırma  Sahəsinin işçi  kollektivi tərəfindən qeyd olunan əraziyə  111 ədəd müxtəlif  növ dekorativ güllər əkilib.

Səbuhi Eltonlu

Gülşən Muradova

Zəka  Nağıyev

Arif  Heydərov