Azadsöz.az xəbər verir ki, Kəlbəcər rayonunun Comərt kəndində yanacaqdaşıyan maşının çaya aşması nəticəsində selin apardığı sürücünün meyiti tapılıb.
Bu barədə Daxili İşlər Nazirliyinin Mətbuat Xidmətinin regional qrupunun baş inspektoru Eşqin Qasımov məlumat verib.
“Aparılan axtarışlar nəticəsində ölən sürücü, Şirvan şəhər sakini 1981-ci il təvəllüdlü Rəhim Şahbazovun cəsədi sudan çıxarılaraq aidiyyəti üzrə təhvil verilib”, deyə o bildirib.
Faktla bağlı araşdırma aparılır.
*****
00:20
Azadsöz.az xəbər verir ki, hadisə Kəlbəcər rayonunun Comərt kəndində qeydə alınıb.
Şirvan şəhər sakini 1981-ci il təvəllüdlü Rəhim Şahbazovun idarə etdiyi “Howo” markalı yanacaqdaşıyan maşın idarəetməni itirərək çaya aşıb.
Nəticədə avtomobilin sürücüsü Rəhim Şahbazov və Göyçay rayonu Qarabağlar kənd sakini,1998-ci il təvəllüdlü Sadıqov Bəhram Manaf oğlu hadisə yerində ölüblər.
Faktla bağlı araşdırma aparılır.
Səbuhi Eltonlu
