Azadsöz.az xəbər verir ki, 44 günlük Vətən müharibəsində qanı ilə tarix yazaraq, şəhidlik zirvəsinə ucalan Şəhid Ayaz Əhmədovun atası Elson Əhmədov ötən gün Göyçay Rayon Mərkəzi Xəstəxanasında öd kisəsindən əməliyyat olunub.
Həkim-ümumi cərrah Kamran Məmmədov tərəfindən icra olunan əməliyyat uğurla nəticələnib. Şəhid atasının vəziyyətinin yaxşı olduğu bildirilir.
Qeyd edək ki, Ayaz Elson oğlu Əhmədov 2020-ci il sentyabrın 27-də başlayan Vətən müharibəsində iştirak edərək,oktyabrın 6-dan, 7-nə keçən gecə Ağdərə istiqamətində gedən döyüşlərdə qəhrəmancasına şəhid olub. Göyçay rayonunun İkinci Ərəbcəbirli kəndində dəfn olunub.
Prezident İlham Əliyevin Sərəncamına əsasən, Ayaz Əhmədov ölümündən sonra “Vətən uğrunda”, “Suqovuşanın azad olunmasına görə” və “İgidliyə görə” medalları ilə təltif edilib.
Səbuhi Eltonlu
Gülşən Muradova
