Azadsöz.az xəbər verir ki, rayonun Bığır kənd sakini 1971-ci il təvəllüdlü Qəfərov Qalib Nizam oğlunun meyiti balıq tutduğu yerdən təqribən 150 metr aralıda tapılıb. Xatırladaq ki, dünən səhər saatlarından dalğıclar kanalda axtarışlar aparırdı.
Şəxsin meyidi aidiyyatı üzrə təhvil verilib. Faktla bağlı araşdırma aparılır.
****
21:00
Azadsöz.az xəbər verir ki, hadisə rayonun Bığır kəndində qeydə alınıb.
Bildirək ki, 52 yaşlı Qalib Qəfərov yaşadığı evdən çıxıb və geri qayıtmayıb. Dayısı Məmməd Səmədovun sözlərinə görə, bacısı oğlu dünən günün ikinci yarısında balıq tutmaq üçün lazım olan avadanlıqları götürərək Şirvan kanalına gedib. Gecə saatlarında ailə üzvləri onunla telefon əlaqəsi saxlayıb. O, tezliklə evə dönəcəyini bildirsə də, sonradan onunla əlaqə yaratmaq mümkün olmayıb.
Sonuncu telefon danışığı zamanı Qalib Qəfərovun Şirvan kanalının kənarında olması səbəbindən ailə üzvləri onun kanala düşərək batmasını ehtimal etdikləri üçün Fövqəladə Hallar Nazirliyinin (FHN) 112 qaynar telefon xəttinə müraciət ediblər. Məlumatla əlaqədar FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.
Hazırda dalğıc-xilasedicilərlə yanaşı, kənd sakinləri də kanalda batdığı güman olunan şəxsin axtarışlarını davam etdirir.
Xatırladaq ki, Bığır kənd sakini 52 yaşlı Qalib Qəfərov ailəlidir, iki övladı var.
****
13:40
Azadsöz.az xəbər verir ki, Fövqəladə Hallar Nazirliyinin (FHN) “112” qaynar telefon xəttinə Yuxarı Şirvan kanalının Göyçay rayonu, Bığır kəndi ərazisindən keçən hissəsində 1 nəfərin batması barədə məlumat daxil olub.
Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.
Əlavə məlumat veriləcək.
Səbuhi Eltonlu
Gülşən Muradova
Zəka Nağıyev
Arif Heydərov