Azadsöz.az xəbər verir ki, Göyçay rayon Elnur Seyidov adına Ulaşlı-şıxlı kənd tam orta məktəbində Xocalı soyqırımının 32- ci il dönümü ilə əlaqədar soyqırım qurbanlarının xatirəsi anılıb.
Anım mərasimində məktəbin direktoru Aynur Mahmudova, pedaqoji heyyət, Eldəniz Rüstəmov və şagirdlər iştirak ediblər.
Tədbirdən əvvəl Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Daha sonra mərasimdə Eldəniz Rüstəmov və digər natiqlər çıxış edərək erməni millətçilərinin Azərbaycan xalqının başına gətirdikləri faciələrdən, Xocalı sakinlərinə qarşı törətdikləri soyqırımdan danışıblar. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirildiyi, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirdiyini diqqətə çatdırılıb. Düşmən gülləsindən 76-sı uşaq olmaqla, 487 nəfər yaralandığı, 1275 nəfər əsir götürüldüyü, əsir götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum olmadığını vurğulanıb.
Sonra Xocalı soyqırımının 32- ci il dönümü ilə əlaqədar video-çarxlar nümayiş etdirilib.
Sonda şagirdlərin hazırladığı ədəbi-bədii kompozisiya dinlənilib.