Azadsöz.az xəbər verir ki, İtaliya A Seriyasının 20-ci turunda “Roma” və “Verona” komandaları qarşılaşıb. Romadakı “Olimpiko” stadionundakı matç ev sahiblərinin qələbəsilə yekunlaşıb – 2:1.
İlk hissənin 19-cu dəqiqəsində Romelu Lukaku matçda hesabı açaraq “Roma”nı önə keçirib. 25-ci dəqiqədə Lorenzo Pelleqrini görüşdə meydan sahiblərinin üstünlüyünü artırıb. 76-cı dəqiqədə Mixael Folorunşo fərqi birə endirib. Bundan daha artığına qonaqların gücü çatmayıb.
Matçın nəticəsindən sonra “Roma” 32 xal toplayaraq A Seriyasında 8-ci pilləyə yüksəlib. “Verona” isə 17 xalla 18-ci yerdədir.
Qeyd edək ki, bu, Joze Mourinyonun komandanın baş məşqçi postundan qovulmasından sonra romalıların ilk oyunu olub.