Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyi Qarabaqqal kəndinin sakinlərinə müraciət edib.
Müraciətdə deyilir:
“Hörmətli Qarabaqqal kəndinin sakinləri bildiririk ki, 4 dekabr 2023-cü il tarixində Göyçay Rayon İcra Hakimiyyəti yanında Şəhər Təsərrüfatı Birliyi tərəfindən Göyçay rayonunda yaşıllıqların artırılması və ətraf mühitin sağlamlaşdırılması məqsədilə mövsümə uyğun olaraq Qarabaqqal kənd ərazisində yerləşən məişət tullantılarının daşınması üçün nəzərdə tutulmuş poliqona gedən yolun müəyyən olunmuş hissəsinə 237 şam, 100 ədəd akasiya və 100 ədəd qarağac ağacı əkilib.
Müraciət edərək sizlərdən xahiş edirik ki, həmişəyaşıl ağacların olduğu əraziyə mal-qaranın daxil olmasına, əkilən ağacların çıxarılaraq kənara atılmasına və yaxud çıxarılaraq başqa yerlərə əkilməsinə özünüz tərəfindən şərait yaradılmasın”.
Unutmayaq ki, ekologiyanı qorumaq üçün hər birimiz ətrafımızdan və öz evimizdən başlamalıyıq.Sizlərdən xahiş olunur bu müraciətimizi diqqətdə saxlayıb, qeyd etdiyimiz tövsiyələrə ciddi əməl edəsiniz.
Səbuhi Eltonlu
Gülşən Muradova
Zəka Nağıyev