Azadsöz.az xəbər verir ki, müğənni Arzu Rzayevin vəfat etməsi ilə bağlı sosial şəbəkələrdə xəbərlər yayılıb.
Məsələ ilə bağlı Bizim.Media-nın əməkdaşı sənətçinin ailəsi ilə əlaqə yaradıb.
Telefonun dəstəyini isə A.Rzayevin özü götürüb. Müğənni ölüm xəbərinin yayılması ilə bağlı bunları söyləyib:
“Bilmirəm, nəyə görə mənim ölüm xəbərimi yayıblar. Səhərdən mənim bu nömrəmə nə qədər insan zəng edib. Ölkə xaricindən – İsraildən və Türkiyədən dostlarım şok vəziyyətində mənə zəng edirlər. Bu xoşagəlməz xəbərləri yayanlara bir tək sözüm var: “Sizə ayıb olsun”. Mən sağam… Amma bilmək olmaz bir saniyədən sonra nə olacaq. İnsanı diri-diri necə öldürmək olar? Allah hamının köməyi olsun”.