Azadsöz.az xəbər verir ki, Xankəndi şəhərinin ölkə çempionatında təmsil olunması ilə bağlı bəzi media orqanlarında xəbərlər yayılıb.
Azərbaycan Futbol Federasiyaları Assosiasiyasından bildirilib ki, onlarda belə bir məlumat yoxdur.
“Yayılan xəbər həqiqətə uyğun deyil”, – deyə qurumdan bildirilib.
Qeyd edək ki, yayılan xəbərlərdə AFFA rəhbərliyinin 1 aydan çoxdur məsələni öz gündəminə aldığı qeyd olunduğu bildirilir. O da qeyd olunub ki, hazırda müxtəlif variantlar müzakirə olunur:
“Onlardan biri bu şəhərdə yeni klubun yaradılmasıdır. Belə olarsa, həmin komandanın mübarizəyə birbaşa II Liqadan başlaması təmin ediləcək. İkinci variant Premyer Liqada yarəşan klublardan birini ora köçürməkdir. Bu planı həyata keçirməkdə problem yaransa, AFFA aşağı liqa təmsilçilərindən birini Xankəndinə istiqamətləndirəcək”.