Azadsöz.az xəbər verir ki, 7 noyabr 2023-cü il tarixində Göyçay rayon Elnur Seyidov adına Ulaşlı-Şıxlı kənd tam orta məktəbində 8 noyabr Zəfər gününə həsr olunmuş “Sənə zəfər yaraşır Azərbaycan” adlı məktəb tədbiri keçirilib.
Tədbirdə məktəbin direktoru Aynur Mahmudova başda olmaqla müəllim kollektivi, şagirdlər, Şəhid Ailələrinə “Qayğı” Cəmiyyətinin Göyçay rayon şöbəsinin rəhbəri Eldəniz Rüstəmov, Ulaşlı-Şıxlı və Potu kənd klubu, Göyçay şəhər Mədəniyyət mərkəzinin əməkdaşlar iştirak ediblər.
Mərasim Azərbaycan Respublikasının Dövlət Himninin səsləndirilməsi ilə başlayıb. Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan məktəbin direktoru Aynur Mahmudova Zəfər Günü münasibətilə iştirakçıları təbrik edib.Bildirib ki, Azərbaycan xalqının güclü iradəsi, Müzəffər Ali Baş Komandan İlham Əliyevin dəmir yumruğu və yüksək şücaəti, ordumuzun, əsgər və zabitlərimizin igidliyi, xalqımızın birliyi bizə bu tarixi zəfəri yaşadıb.
Daha sonra Şəhid Ailələrinə “Qayğı” Cəmiyyətinin Göyçay rayon şöbəsinin rəhbəri Eldəniz Rüstəmov çıxış edərək, 8 noyabr tarixi gün ilə bağlı xoş sözlərini, təbriki bildirib.Allahdan bütün şəhidlərə rəhmət,qazilərimizə cansağlığı arzulayıb.
Sonra tədbir Rayon Mədəniyyət Mərkəzinin əməkdaşlarının təqdimatında maraqlı konsert proqramı ilə davam edib.
Səbuhi Eltonlu
Gülşən Muradova
Zəka Nağıyev
