Azadsöz.az xəbər verir ki, Türkiyə İsraildəki səfirini geri çağırdı.
Bu barədə Türkiyə KİV məlumat yayıb.
Qeyd edilib ki, Türkiyə Xarici İşlər Nazirliyi Türkiyənin Təl-Əvivdəki səfiri Şakir Özkan Torunların məsləhətləşmələr üçün Ankaraya çağırıldığını bildirib.
Xatırladaq ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar. İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.