Azadsöz.az xəbər verir ki, 3 noyabr 2023-cü il tarixdə Göyçay rayon Sanitar-Təmizlik İdarəsinin təmizlik işçiləri növbəti səliqə-sahman işlərini aparmaq üçün rayonun Qarabaqqal kənd ərazisində yerləşən poliqona cəlb olunublar.
Gündəlik olaraq rayonun prospekt və küçələrindən daşınaraq poliqona yığılan məişət tullantılarının zərərsizləşdirilməsi işi görülüb.
Belə ki, texnikanın və canlı qüvvənin köməkliyi ilə ərazidə olan məişət tullantıları, şüşə, plastik butulkalar və polietilen torbalar bir yerə toplanıb, təmizlik maşınlarının poliqona rahat şəkildə giriş-çıxışına şərait yaradılıb.
Qeyd edək ki, ekoloji tarazlığın qorunması, eyni zamanda təbiətə qayğı hissinin güclənməsi baxımından Sanitar-Təmizlik İdarəsi tərəfindən rayon daxilində və poliqon ərazisində təmizlik işləri gündəlik olaraq aparılır.
Səbuhi Eltonlu
Gülşən Muradova
Zəka Nağıyev
