Azadsöz.az xəbər verir ki, Göyçay Rayon İcra Hakimiyyətinin təşəbbüsü ilə 2023-cü il noyabrın 11- 12 tarixində Göyçay Şəhər stadionda və Əli Kərim Parkında 15-ci “Nar Festivalı” keçiriləcək.
İki gün davam edəcək “Nar Festivalı”-da rayonda narçılıqla məşğul olan kənd sakinlərinin yetişdirdiyi məhsullardan hazırlanmış məhsulların sərgisinə baxış keçiriləcək. Əl əməyi ilə yüksək ustalıqla hazırlanan nar şirəsinin, nar şərabının, nardançanın, gilələnən narın dadına baxılacaq.
Bununla yanaşı nar və nar məhsullarının satış-yarmarkası təşkil olunacaq.Festivalda rayon mədəniyyət evinin musiqi kollektivinin, məktəblilərdən ibarət mahnı və rəqs qruplarının, kəndirbaz və idmançıların bayram tədbirində çıxışı gözlənilir.
Qeyd edək ki, festivalın rəsmi hissəsindən sonra Göyçay Şəhər stadionda tanınmış incəsənət ustalarının təqdim etdikləri konsert proqramı təqdim olunacaq.
Sonda atəşfəşanlıqla bayram tədbiri başa çatacaq.
Səbuhi Eltonlu
Gülşən Muradova
Zəka Nağıyev