Azadsöz.az xəbər verir ki, İspaniyanın “Sevilya” klubunun futbolçusu Serxio Ramosun evi qarət olunub.
Xarici KİV-ə istinadən xəbər verir ki, hadisə sentyabrın 20-də Əndəlus təmsilçisinin UEFA Çempionlar Liqasının qrup mərhələsinin I turunda Fransa “Lans”ına qarşı ev oyunu (1:1) zamanı baş verib.
Həmin vaxt evdə 37 yaşlı müdafiəçinin dörd övladı və onların iki müəllimi olub. Hadisə zamanı xəsarət alan olmayıb.
Qeyd edək ki, Serxio Ramos bu yay Fransanın PSJ klubundan 18 il əvvəl formasını geyindiyi “Sevilya”ya qayıdıb.