Azadsöz.az xəbər verir ki, 23 sentyabr tarixdə Göyçay Rayon İcra Hakimiyyəti yanında Şəhər Təsərrüfatı Birliyinin Sanitar-Təmizlik , Abadlaşdırma Təmir şöbəsinin işçi birqadası tərəfindən Göyçay rayonunda iməclik keçirilib.
İməclik rayonun Heydər Əliyev prospekti daxil olmaqla, M.Ə. Rəsulzadə və digər küçələrində aparılıb.
Təmizlik işçiləri tərəfindən prospekt və küçələrdən keçən bərələr şüşə, plastik butulkalardan, lil-çöküntülərdən qurumuş xəzəl yarpaqlarından təmizlənib və həmin ərazilər süpürülərək səliqəyə salınıb.
Görülən işlər çərçivəsində Heydər Əliyev prospektində yerləşən Heydər Əliyev parkının yaşıllıq ərazisinin ot örtüyü biçilərək təmizlənib.
Qeyd edək ki, ekoloji tarazlığın qorunması, eyni zamanda təbiətə qayğı hissinin güclənməsi baxımından rayonda təmizlik işləri gündəlik olaraq aparılır.
Səbuhi Eltonlu
Gülşən Muradova
Zəka Nağıyev