qAzadsöz.az xəbər verir ki, 21 sentyabr 2021 ci il tarixində Göyçayın Üngütlü kəndində şəhid Fərid İlyas oğlu Nadirovun ad günü münasibəti ilə bulağın açılışı olub.Tədbirdə rayon İcra Hakimiyyətinin başçısı, rayon ictimaiyyətinin nümayəndələri, kənd sakinləri, şəhid anaları, şəhidin yaxınları iştirak edib.Əvvəlcə tədbir iştirakçıları Şəhidlər Xiyabınına gedərək şəhidin xatirəsini ehtiramla yad edib, məzarı önünə gül dəstələri düzüblər.Tədbirdə Azərbaycan Respublikası Dövlət Sərhəd Xidmətinin Sərhəd Qonşunlarının Kiçik giziri, 44 günlük Vətən Müharibəsində şəhid olan Xudayar Müslüm oğlu Yusifzadənin anası Radə Yusifzadədə iştirak edib.
Göyçay rayon İcra Hakimiyyətinin başçısı Mehdi Səlimzadə tədbirdə çıxış edərək Vətən Müharibəsində Azərbaycan Ordusunun peşəkarlığından, torpaqlarımızın azadlığı uğrunda şəhid olan igid oğullarımızın qəhrəmanlığından danışıb. Azərbaycan xalqının böyüklüyünü, əzmkarlığını vurğulayaraq, illər keçsə də, gələcək nəsillər tarix yazan qəhrəmanlarımızı hər zaman böyük minnətdarlıqla yad edəcəklərini qeyd edib.
Daha sonra rayon rəhbəri şəhid Xudayar Yusifzadənin anası Radə Yusifzadəni “Göyçay” nişanı ilə təltif etdiyini tədbir iştirakçılarının diqqətinə çatdırıb.”Göyçay” nişanı icra başçısı tərəfindən şəhid anasına təqdim olunub.Şəhidimizin anası Radə Yusifzadə göstərilən yüksək ehtimada görə, Göyçay rayon İcra Hakimiyyətinin başçısı Mehdi Səlimzadəyə minəttarlığını bildirib.
Qeyd edək ki, Xudayar Yusifzadə 2020-ci il sentyabrın 27-də başlanan Vətən Müharibəsində əvvəlcə Füzuli rayonunda sərhəd məntəqəsində xidmət edib, daha sonra isə Cəbrayılın və Zəngilanın azadlığı uğrunda gedən döyüşlərdə iştirak edib.Oktyabrın 22-də Zəngilan döyüşləri zamanı Ağbənd istiqamətində şəhid olub.Bərdədə Şəhidlər Xiyabanında dəfn olunub.Xudayar Yusifzadə ölümündən sonra Prezident İlham Əliyevin 15.12.2020-ci il tarixli sərəncamına əsasən, “Azərbaycan Bayrağı” ordeni, 25.12.2020-ci il tarixli sərəncamına əsasən, “Zəngilanın azad olunmasına görə” medalı ilə təltif edilib.
Xatırladaq ki, Xudayar Yusifzadə ölümündən 2 gün əvvəl Əliağa Vahidin “Vətən yaxşıdır” şeirini ifa edib və bunu telefon vasitəsilə lentə alıb. Həmin video qısa müddət ərzində sosial medialarda yayılıb. Onun şəhid olmasından sonra isə həmin video daha geniş vüsət aldı və Xudayar Yusifzadə qısa müddət ərzində fenomenə çevrildi.
