Azadsöz.az xəbər verir ki, Göyçay rayonunun Birinci Ərəbcəbirli kəndi sakini, əsgər anası Rzayeva Ruhəngiz Şahmar qızı rayon ərazisində aparılan abadlıq işlərinə və yaşadıqları məhəllədən keçən suvarma arxının uzun müddət sonra qazılaraq qaydaya salınmasına görə Azərbaycan Respublikasının Prezidentinə təşəkkür məktubu göndərib.
Təşəkkür məktubu: “Son illər respublikamızda aparılan abadlıq-quruculuq işləri Göyçay rayonundan da yan keçməyib. Bütün bölgələrdə olduğu kimi, rayonumuzda da geniş tikinti-quruculuq, abadlıq işləri aparılır, sosial obyektlər inşa edilir, yollar çəkilir, əhalini narahat edən problemlər həll olunur.
Mən əsgər anası kimi Sizə yeni, yaraşıqlı küçələrimizə, geniş parklarımıza görə minnətdarlığımızı bildirirəm. Xüsusilə su çatışmazlığı ilə bağlı problemlərin həll edilməsi sakinlərin sevincinə səbəb oldu.
Göstərdiyi yüksək diqqət və qayğıya görə Sizə rayon sakinləri adından dərin minnətdarlığımı bildirir, uğurlar arzulayıram.”