Azadsöz.az xəbər verir ki, Türkiyəli məşhur aktyor və musiqiçi Özkan Uğur 69 yaşında vəfat edib.
Bununla bağlı məlumatı Türkiyənin səhiyyə naziri Fahrettin Koca sosial media hesabında bildirib.
Aktyor xərçəng xəstəliyindən dünyasını dəyişib.
Qeyd edək ki, 69 yaşlı türkiyəli aktyorda 4-cü dəfə xərçəng xəstəliyi aşkarlanmışdı.
Xatırladaq ki, Özkan Uğur bir zamanların məşhur “Cennet mahallesi” serialında “Beter Ali” obrazını canlandırıb.
Həmçinin, aktyor bir zamanların məşhur MFÖ qrupunun da üzvü olub.