19 İyun 2024 01:10

Natiq Ağayev vətəndaşların müraciətini DİNLƏDİ-FOTOLAR

Azadsöz.az xəbər verir ki, 4 iyul 2023-cü il tarixdə vətəndaşların qəbulu qrafikinə uyğun olaraq Göyçay rayon İcra Hakimiyyətinin başçısı Natiq Ağayevin sədrliyi ilə rayon icra hakimiyyətinin inzibati binasında vətəndaşların növbəti qəbulu keçirilib.

Qəbulda  rayon İcra Hakimiyyəti başçısı Natiq Ağayev, başçının müavinləri, aparatın şöbə müdirləri, rayon Polis Şöbəsinin, aidiyyəti idarə, müəssisə və təşkilatların nümayəndələri iştirak edib.

Vətəndaşların torpaq, işsizlik,  və  digər problemlərlə   bağlı  müraciətləri dinlənilib və onların qaldırdıqları məsələlərin qanunvericilik tələbləri izah olunub.

İcra Hakimiyyətinin səlahiyyətləri daxilində olan məsələlərin həlli üçün yerində tapşırıq verilib, İcra Hakimiyyətinin səlahiyyətləri daxilində olmayan məsələlər isə aidiyyəti qurumların yerli nümayəndələrinə tapşırıq verilibdir.

Qeyd  edək ki, ümumilikdə qəbul zamanı 50-ə yaxın rayon sakinlərinin müraciətinə baxılıb, şəhid ailələri, qazilər və müharibə iştirakçıları isə növbədənkənar qəbul edilibdir.