Azadsöz.az xəbər verir ki, 8 iyun 2023-cü il tarixdə Göyçay rayon İcra Hakimiyyətinin başçısı Natiq Ağayev Göyçay rayonunun Bığır kənd inzibati ərazi dairəsi üzrə nümayəndəliyinə daxil olan Cırqurd kəndində növbəti səyyar qəbul keçirdi.
Qəbulda rayon İcra Hakimiyyətinin başçısı Natiq Ağayev, Milli Məclisin deputatı Sabir Hacıyev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak ediblər.
Rayon rəhbəri çıxış edərək Cırqurd kəndinin eləcə də rayonun sosial-iqtisadi inkişafı, əhalini narahat edən problemlərin həlli istiqamətində həyata keçirilən tədbirlərdən, görülən və həmçinin görüləcək işlərdən danışıb. Ölkə başçısının tapşırıqlarına əsasən əhali ilə mütamadi olaraq keçirilən belə görüşlərin əsas məqsədi sakinlərə daha yaxın olmaq, onları narahat edən məsələləri öyrənmək və həlli istiqamətində işləri həyata keçirmək lazım olduğunu vurğulayıb.İcra başçısı bildirib ki, kəndlərdə mövcud olan bələdiyyələr büdcə vəsaitlərini vaxtlı-vaxtında yığılmasını və yığılan vəsaitin məqsədyönlü şəkildə xərclənməsini təmin etməlidir.
Daha sonra Bığır kəndinin inzibati ərazi dairəsi üzrə nümayəndəsi Elgünəş Qurbanov kəndinin əhalisi, sosial-iqtisadi inkişafı, kənd sakinlərinin məşğuliyyəti və nümayəndəlik ərazisində görülən işlər barədə məlumat verib.
Qəbulda kənd sakinləri istifadə müddətini başa vurmuş elektrik dirəklərinin yenisi ilə əvəz olunması, içməli su probleminin həlli, sosial yardımın təyin edilməsi, kənd yolunun qeyd olunan hissəsinə asfalt örtüyünün çəkilməsi, sakinlərin rahat gediş-gəlişini təmin etmək məqsədilə Cırqurd kəndinə avtobusun verilməsi, vətəndaşların torpaq sahələrinin suvarma suyu ilə təminatının yaxşılaşdırılması məqsədilə şirə arxlarının qazılması və digər məsələlərlə bağlı rəy və təkliflərini veriblər.
Vətəndaşların müraciətlərində qaldırılan məsələlərin bir qisminin həllinə yerindəcə köməklik göstərilib, araşdırılmasına ehtiyac olan digər məsələlərin həlli aidyyəti üzrə müəssisə və təşkilat rəhbərlərinə tapşırılaraq nəzarətə götürülüb.
Kənd sakinləri onların müraciətlərinə diqqət və həssaslıqla yanaşıldığı üçün rayon rəhbərliyinə və ölkə başçısına öz minnətdarlıqlarını bildiriblər.
