Azadsöz.az xəbər verir ki, 23 may 2023-cü il tarixdə vətəndaşların qəbulu qrafikinə uyğun olaraq Göyçay rayon İcra Hakimiyyətinin Başçının birinci müavini İkram Vəliyevin sədrliyi ilə rayon icra hakimiyyətinin inzibati binasında vətəndaşların növbəti qəbulu keçirilib.
Qəbulda RİH başçısı aparatının məsul şəxsləri, rayonun aidiyyəti üzrə idarə, müəssisə və təşkilatların nümayəndələri iştirak edib.
Vətəndaşların sosial yardım, torpaq, işsizlik, özünəməşğulluq və digər problemlərlə bağlı müraciətləri dinlənilib və onların qaldırdıqları məsələlərin qanunvericilik tələbləri izah olunub.
İcra Hakimiyyətinin səlahiyyətləri daxilində olan məsələlərin həlli üçün yerində tapşırıq verilib, İcra Hakimiyyətinin səlahiyyətləri daxilində olmayan məsələlər isə aidiyyəti qurumların yerli nümayəndələrinə tapşırıq verilibdir.
Qeyd edək ki, ümumilikdə qəbul zamanı 18-ə yaxın rayon sakinlərinin müraciətinə baxılıb, şəhid ailələri, qazilər və müharibə iştirakçıları isə növbədənkənar qəbul edilibdir.
