Azadsöz.az xəbər verir ki, bu gün Azərbaycanda muzeylərdə “açıq qapı” günüdür.
Bu barədə Mədəniyyət Nazirliyi məlumat yayıb.
Bildirilib ki, 18 May – Beynəlxalq Muzeylər Günü ilə əlaqədar vətəndaşlar və ölkəmizin qonaqları sabah ödənişsiz olaraq muzeyləri ziyarət etmək imkanı əldə edəcəklər.
Qeyd edək ki, həmin gün Beynəlxalq Muzeylər Şurasının (ICOM) təşəbbüsü ilə 1977-ci ildə təsis edilib və əsas məqsədi muzeylərin cəmiyyətin həyatında mühüm rol oynadığını göstərməkdir.
Beynəlxalq Muzeylər Günü ilə əlaqədar insanların asudə vaxtının səmərəli təşkili, onların muzey müəssisələri vasitəsilə Azərbaycanın zəngin mədəni irsi ilə yaxından tanış olmalarının təmin edilməsi məqsədilə Mədəniyyət Nazirliyinin tabeliyində fəaliyyət göstərən muzeylərdə “açıq qapı” günü elan olunur.