Azadsöz.az xəbər verir ki, Göyçay rayon İcra Hakimiyyətinin başçısı Natiq Ağayevin tapşırıq və tövsiyələrinə əsasən Cəyirli kənd inzibati ərazi dairəsi üzrə nümayəndəliyi tərəfindən Göyçay-Bərgüşad avtomobil yolunun Cəyirli kəndi ərazisindən keçən hissəsində ağacların budanması işləri aparılıb.
Belə ki, yol kənarlarında olan uzun illər ərzində quruyaraq insan həyatı, ümumiyyətlə ətraf mühitə təhlükə törədən ağacların budaqları kəsilib, budanmış tullantıların ərazidən daşınması və həmin ərazilərin təmizlənməsi işləri aparılıb. Bununla yanaşı ərazi kol-kosdan təmizlənib, səliqəyə salınıb.