Azadsöz.az xəbər verir ki, Göyçay rayon İcra Hakimiyyətinin başçısı Natiq Ağayevin tapşırıq və tövsiyələrinə əsasən rayonda abadlıq-quruculuq və təmizlik işləri geniş vüsət alıb.
6 fevral 2023-cü il tarixdə Göyçay rayon Heydər Əliyev prospekti 87 ünvanında yerləşən çoxmənzilli yaşayış binalarının həyətinda maarifləndirici görüş keçirilib.
Görüşdə Göyçay Rayon İcra Hakimiyyəti yanında Şəhər Təsərrüfatı Birliyi İdarəsinin Sanitar-Təmizlik şöbəsinin rəhbəri Ruslan Məmmədov, Göyçay İcma İnkişaf Mərkəzinin rəhbəri Elşən Süleymanov, Göyçay Rayon Hakimiyyəti Yanında İctimai Nəzarət Şurasının sədri Zöhrab Rasulov, KİV nümayəndələri və sözügedən binaların sakinləri iştirak ediblər.
Görüş zamanı rayonun Heydər Əliyev prospekti daxil olmaqla küçələrə sanitar təmizliyin yaxşılaşdırılması məqsədilə məişət tullantılarının yığılması üçün nəzərdə tutulan konteynerlərin qoyulmasına baxmayaq bəzi rayon sakinləri məişət tullantılarını konteynerlərə atmayaraq kənar yerə qoymaqla rayonun təmizliyinə diqqət etmədikləri qeyd olunub.Bunun üçün rayon sakinləri ilə bu cür maarifləndirici görüşlərin mütamadi olaraq keçirilməsi vurğulanıb.
Qeyd edək ki, Göyçayda “Təmiz Şəhər” adlı layihə çərçivəsində maarifləndirici görüşlər rayonun bütün küçlərində mərhələli şəkildə keçiriləcək.