Azadsöz.az xəbər verir ki, Göyçay rayon İcra Hakimiyyətinin başçısı Natiq Ağayevin tapşırıq və tövsiyələrinə əsasən Cəyirli kənd inzibati ərazi dairəsi üzrə nümayəndəliyi tərəfindən kənddə təsərrüfatlararası bağlarda əl əməyindən istifadə olunaraq suvarma arxları lil və çöküntülərdən təmizlənib.
Kənddə yol kənarlarında olan uzun illər ərzində quruyaraq insan həyatı, ümumiyyətlə ətraf mühitə təhlükə törədən ağaclar kəsilərək həmin ərazidən daşınıb.Bununla yanaşı kənddə yolboyu olan bağlar kol-kosdan təmizlənib, bağların hazarlanması bağ sahiblərinə tapşırılıb.
Göyçay-Bərgüşad avtomobil yolunun Cəyirli kəndi ərazisindən keçən hissəsində yerləşən “Dostluq Parkı”-nın qarşısı məişət tullantılarından və polietilen torbalardan təmizlənərək səliqəyə salınıb.
