Azadsöz.az xəbər verir ki, 8 Noyabr – Zəfər Günü ilə əlaqədar Göyçay rayonunun Qarabaqqal, Ərəbcəbirli və Şəhadət kəndi ərazisindən keçən respublika əhəmiyyətli avtomobil yollarının kənarında, şəhər və kəndarası yollarda abadlıq – təmizlik işləri aparılıb və şam ağaclarının əkilməsi aksiyası keçirilib.
Ağac əkmə, abadlıq və təmizlik işləri aksiyasında rayon İcra Hakimiyyətinin başçısı Natiq Ağayev, RİH başçısı aparatının əməkdaşları, kənd inzibati ərazi dairələri, bələdiyyələr, idarə, müəssisə və təşkilatlarların, rayonunun hüquq-mühafizə orqanlarının rəhbərləri, Göyçay rayon təşkilatının sədri Sahib Şükürov və təşkilatın kollektivi iştirak ediblər.
Qeyd edək ki, aparılan abadlıq- təmizlik işləri və əkilən ağaclar ekoloji durumun yaxşılaşdırılması, yaşıllıqların artırılması, ağac əkilməsinin təşviqi, insanlar arasında ekoloji mədəniyyət və təbiətə qayğı hissinin təbliği baxımından əhəmiyyət daşıyır.
