Azadsöz.az xəbər verir ki, Göyçay rayonunun Çərəkə kəndində 14 yaşlı qızın məcburi ərə verilməsi ilə bağlı sosial şəbəkədə yayılan xəbər Göyçay Rayon İcra Hakimiyyəti tərəfindən nəzarətə götürülüb.
Daxil olan məlumat əsasında komissiya şəklində dərhal məsələ araşdırılıb, yetkinlik yaşına çatmayan şəxsin valdeyinləri ilə izahedici söhbətlər aparılıb və 05 noyabr 2022-ci il tarixdə keçirilməsi nəzərdə tutulan nişan mərasimin qarşısı alınıb.
Qeyd edək ki, Göyçay rayon Polis Şöbəsində bununla bağlı araşdırma aparılır. Məsələ rayon İcra Hakimiyyətinin və rayon Polis şöbəsinin nəzarətindədir.