Şəhid Rüfət Mayılovun ildönümü qeyd olundu-FOTOLAR

Azadsöz.az xəbər verir ki, torpaqlarımızın bütövlüyü uğurunda gedən döyüşlərdə qəhrəmancasına şəhid olan  Rüfət Bəhram oğlu Mayılovun ikinci ildönümü  Göyçayın Kürdəmiş  kənd  qəbirstanlığında şəhidin məzarı önündə qeyd olundu.

Tədbirdə  rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, RİH başçısı aparatının əməkdaşları, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi F.Əliyev, YAP Göyçay rayon təşkilatının sədri Sahib Şükürov, rayonun hüquq-mühafizə orqanlarının, idarə, müəssisə və təşkilatların rəhbərləri,  Şəhid Ailələrinə “Qayğı” Cəmiyyətinin Göyçay rayon şöbəsinin rəhbəri Eldəniz  Rüstəmov, şəhid  ailələri, kənd  sakinləri  və şəhidin ailə üzvləri iştirak ediblər.

Rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev  çıxış edərək  bildirib ki, 2020-ci il  sentyabrın 27-dən noyabrın 10-dək davam edən 44 günlük Vətən müharibəsində  güclü həmrəyliyin, yenilməz ruhun bir daha şahidi olduq.Biz bir daha gücümüzü göstərdik, xalqımızın birliyini göstərdik. Göstərdik ki, heç bir qüvvə bizim qabağımızda dura bilməz, heç bir qüvvə bizi haqq yolumuzdan döndərə bilməz. Vətən müharibəsində Azərbaycan gəncliyi vətənpərvərliyini, əzmini bütün dünyaya nümayiş etdirdi. Hər bir Azərbaycan vətəndaşının  vətəninin qəhrəmanlarını tanımalı  olduğunu  və  onların keçdiyi həyat yolundan çox şeyləri öyrənmələrini diqqətə  çatdırıb. Şəhidlik zirvəsinə ucalanların xatirəsini yaşatmaq, onları gəncliyə nümunə göstərmək bizim mənəvi borcumuz  olduğunu  vurğulayıb.

Çıxış  edən Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi F.Əliyev, YAP Göyçay rayon təşkilatının sədri Sahib Şükürov, Şəhid Ailələrinə “Qayğı” Cəmiyyətinin Göyçay rayon şöbəsinin rəhbəri Eldəniz  Rüstəmov və  digərlərinin çıxışlarında  şəhid Rüfət Mayılovun qısa və şərəfli həyat yolundan bəhs olunub, xatirələr dilə gətirilib. Prezident, Ali Baş Komandan İlham Əliyevin rəhbərliyi ilə başa çatan Qələbənin tarixi əhəmiyyətindən danışılıb. 

Tədbir  çərçivəsində mərasim iştirakçıları  Kürdəmiş  kənd  qəbirstanlığında uyuyan Birinci Qarabağ şəhidinin məzarını  ziyarət  edib,  üzərinə gül dəstələri düzüb və ruhuna dualar oxuyublar.

Sonra şəhidimizin  təhsil aldığı Kürdəmiş   kənd tam orta məktəbində adına  adlandırılan sinfinə keçərək məktəblilərlə görüşülüb, məktəblilər vətənpərvərlik mövzusunda şeirlər səsləndiriblər.

Daha sonra  Kürdəmiş  kəndinin  giriş hissəsinə  Rüfət Mayılovun adı  verilib.Şəhidimizin  adını bildirən lövhə  həmin küçəyə vurulub.

Mərasimin  sonunda  şəhidimizin  adına ehsan süfrəsi verilib.

Şəhidin ailə üzvləri göstərilən diqqət və qayğıya görə  Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.

Qeyd edək  ki,  Rüfət Bəhram oğlu Mayılov  2001-ci il yanvarın 31-də Göyçay  rayonunun Kürdəmiş  kəndində anadan olub. 2020-ci il sentyabrın 27-də  başlanan Vətən müharibəsində iştirak edərək  Xocavəndin və Füzulinin azadlığı uğrunda gedən döyüşlərə  qatılmışdır. O, 30 sentyabr 2020-ci ildə Füzuli rayonunun Alxanlı kəndi istiqamətində döyüş tapşırığını yerinə yetirərkən  şəhidlik  zirvəsinə  ucalıb. Göyçay rayonunun Kürdəmiş kəndində dəfn olunub.

Ölümündən sonra Prezident İlham Əliyevin sərəncamı ilə  “Vətən uğrunda”, “Xocavəndin azad olunmasına görə” və “Füzulinin azad olunmasına görə” medalları ilə təltif edilib.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

 

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

Açıklama yok.

 

Açıklama yok.