Azadsöz.az xəbər verir ki, 9 avqustda Göyçay rayon İcra Hakimiyyətinin başçısı səlahiyyətlərini müvəqqəti icra edən İkram Vəliyevin sədrliyi ilə müşavirə keçirilib.
Müşavirədə RİH başçısı aparatının əməkdaşları, şəhər və kənd inzibati ərazi dairəsi üzrə nümayəndələr iştirak ediblər.
Rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev çıxış edərək ev təsərrüfatlarının uçotu işinin başa çatdırılması, uçot işlərinin aparılmasının daima nəzarətdə saxlanılması, müvəqqəti qaib şəxslər haqqında məlumatların bir daha dəqiqləşdirilməsi, nümayəndəlik ərazisində qeydiyyatsız yaşayanların uçota alınması, mövcud siyahıların dürüstləşdirilərək yekunlaşdırılması, kəndlərdə qarğıdalı əkinin aparılması, kəndlər üzrə avqust ayının sonuna kimi su pulunun ödənilərək başa çatdırılması, içməli su xətlərinə qanunsuz qoşulmaların qarşısının alınması, qazilərə və müharibə iştirakçılarına torpaq payının düzgün şəkildə verilməsi, kəndlərdə təmizlik və abadlıq işlərinin mütamadi olaraq aparılması, zəbt olunmuş örüş otlaq sahələrində baş vermiş qanun pozuntularının qarşısının alınması ilə bağlı məsələlərə toxunub.
Müşavirədə mövcud problemlərin və onların aradan qaldırılması ilə bağlı şəhər və kənd inzibati ərazi dairəsi üzrə nümayəndələrə tapşırıqlar verilib.Görüləcək işlər təhlil olunaraq müzakirə olunub.
