Azadsöz.az xəbər verir ki, bu gün torpaqlarımızın bütövlüyü uğrunda gedən döyüşlərdə qəhrəmancasına şəhid olan Qeys Baxışovun şəhadətindən 30 il ötür.
Qeys Dövlətxan oğlu Baxışov 1973-cü ildə Göyçay rayonunun Çərəcə kəndində anadan olub. Kənd orta məktəbi bitirəndən sonra 106 N-li texniki-peşə məktəbində traktorçu – maşinist peşəsinə yiyələnib.
Ermənistan işğalı altında olan ərazilərin azad edilməsi üçün 1992 – cü ilin martında cəbhə bölgəsinə yola düşüb.1992-ci il avqustun 3 – də Tərtər istiqamətində gedən döyüşlərdə qəhrəmancasına şəhid olub. Bakı şəhərində Şəhidlər xiyabanında dəfn olunub. Vaxtilə təhsil aldığı Çərəcə kənd məktəbi qəhrəmanın adını daşıyır.