Azadsöz.az xəbər verir ki, Göyçay rayonunun Hacalıkənd kəndində zəbt olunmuş örüş otlaq sahəsi ilə bağlı kənd sakinlərinin haqlı müraciətləri nəhayət öz müsbət həllini tapıb.
Göyçay rayon İcra Hakimiyyətinin başçısı səlahiyyətlərini müvəqqəti icra edən İkram Vəliyevin, Qarabaqqal kənd inzibati ərazi dairəsi üzrə nümayəndəliyin, bələdiyyə sədrinin, Daşınmaz Əmlakın Dövlət Reyestr Xidmətinin Göyçay Rayon Şöbəsinin əməkdaşlarının birgə iştirakı əsasında sözügedən əraziyə baxış keçirilib.Ümumi otlaq sahalərinin zəbt olunmuş ərazilər açılaraq təyinatı üzrə kənd sakinlərinin istifadəsinə verilib.
Qeyd edək ki, bu cür özbaşınalıqların yenidən baş verməməsi üçün qanunvericiliyə əsaslanan maarifləndirmə işləri görüləcək və belə halları təkrar törədənlərlə bağlı hüquq-mühafizə orqanlarına müraciət olunacaq.