Azadsöz.az xəbər verir ki,  içməli sudan qanunsuz istifadə hallarının  qarşısının alınması məqsədilə Göyçay rayon İcra Hakimiyyətinin, Göyçay RİH İctimai Nəzarət Komissiyasının  və «Göyçay Su-Kanal» Törəmə Səhmdar Cəmiyyətinin  əməkdaşlarının  araşdırmaları nəticəsində İkinci Ərəbcəbirli kəndində, rayonun mərkəzi  küçələrində  içməli sudan uçotsuz və sayğacdankənar xətlərdən istifadə halları aşkarlanıb.

Yoxlamalar  zamanı  su xətlərinə  müxtəlif  ölçülü borularla qanunsuz qoşulan 200 fərdi yaşayış evlərinə, bununla  yanaşı  50 yaxın  iaşə obyekt sahibkarlarına qarşı  tədbirlər  görülərək bəzilərinə  xəbərdarlıq, digərlərinə isə  qanunvericiliyə uyğun olaraq  cərimə  tətbiq olunub.

Qeyd edək  ki, rayonun mərkəzi  küçələrində, kəndlərində içməli sudan qanunsuz istifadə  edən  vətəndaşlara  qarşı  tədbirlər mütəmadi olaraq davam etdiriləcək, özbaşına çəkilmiş xətlər ləğv olunacaq, belə halları təkrar törədənlərlə bağlı hüquq-mühafizə orqanlarına müraciət olunacaq.