Azadsöz.az xəbər verir ki, 19 iyun 2022-ci il tarixində 44 günlük Vətən müharibəsində şəhidlik zirvəsinə yüksələn Əzizov Qüdrət Bəhruz oğlunun ad günü şəhidin məzarı önündə qeyd olundu.
Mərasimdə rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, RİH başçısı aparatının məsul şəxsləri, YAP Göyçay rayon təşkilatının sədri Sahib Şükürov, Şəhid Ailələrinə “Qayğı” Cəmiyyətinin Göyçay rayonu şöbəsinin nümayəndələri, şəhid ailələri, kənd inzibati ərazi dairəsi üzrə nümayəndəlik, kənd sakinləri və şəhidin ailə üzvləri iştirak ediblər.
Rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev şəhidin ailəsinə baş sağlığı verərək, Müzəffər Ali Baş Komandan, Prezident İlham Əliyevin və yenilməz Azərbaycan Ordusunun şücaəti nəticəsində 30 illik həsrətə son qoyularaq Azərbaycanın ərazi bütövlüyünün təmin olunmasının hər birimizdə sonsuz sevinc və böyük fəxarət hissləri yaratdığını bildirib.Diqqətə çatdırıb ki, ölkə başçısının rəhbərliyi ilə həyata keçirilən siyasətin əsas istiqamətlərindən birini müharibə veteranlarının, əlillərinin, şəhid ailələrinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edir.Rayonumuzda da şəhid ailələrinə, qazilərə diqqətin və qayğının göstərilməsinin yüksək təşkil olunduğunu vurğulayıb.
Daha sonra mərasimdə YAP Göyçay rayon təşkilatının sədri Sahib Şükürov, Şəhid Polkovnik-leytenant Vidadi Xəlilovun anası Əminə Xəlilova və digərləri çıxış edərək Qüdrət Əzizovun keçdiyi qısa və mənalı həyat yolundan söz açıblar.Vətənimizin bütövlüyü uğrunda mübarizədə canlarından keçən şəhidlərin əziz xatirəsini daim uca tutmağı, vətən uğrunda mübarizənin vacibliyi, tarix yazan qəhrəman şəhidlərin and yerimizə və ziyarət məkanımıza çevriləcəklərini bildiriblər.
Sonra məktəblilər vətənpərvərlik mövzusunda şeirlər səsləndiriblər.
Tədbirin sonunda şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
