Bu hərəkəti edənlər azadlıqdan məhrum ediləcək

Azadsöz.az  xəbər  verir  ki,  Azərbaycanda zorakı hərəkətlər edənlər azadlıqdan məhrum ediləcək.

Bununla bağlı Cinayət Məcəlləsinə yeni 133.1-1-ci maddə əlavə olunur.

Yeni maddəyə əsasən, məişət zəminində bu məcəllənin 126 və 127-ci (Qəsdən sağlamlığa ağır zərər vurma, qəsdən sağlamlığa az ağır zərər vurma) maddələrində göstərilən nəticələrə səbəb olmayan, mütəmadi olaraq döyməklə və ya sair zorakı hərəkətlərlə güclü fiziki ağrı və ya psixi iztirablar verənlər dörd ilədək müddətə azadlığın məhdudlaşdırılması və ya iki ildən dörd ilədək müddətə azadlıqdan məhrum etmə ilə cəzalandırılacaq.