Azadsöz.az xəbər verir ki, mərhum reper Hüseyn Dəryanın (Muradov) doğum günüdür.Hüseyn Dərya Cangir oğlu 1975-ci il iyunun 29-da Bakının Bakıxanov qəsəbəsində anadan olub. İlk təhsilini Nərimanov rayonunda yerləşən 4 saylı fars təmayüllü məktəbdə alıb.Məktəb illərindən vəznlərə böyük maraq göstərib.Reper Bakı Dövlət Universitetinə qəbul olmasına baxmayaraq, könüllü olaraq öz təhsilindən imtina edərək, hərbi xidmətə yollanıb, Qarabağ müharibəsində iştirak edib. Dörd il iki ay hərbi xidmətdə olub.
lk dəfə meyxana və muğamla repi sintez edib. 2004-cü ildə “İlin ən yaxşı reperi”, “İlin ifaçısı” və “İlin albomu” nominasiyalarını qazanıb. İlk dəfə Ü.Hacıbəyov diplomunu alıb. “Yaşa, Azərbaycan” adlı prezident mükafatına da layiq görülüb.
Lakin 2014-ci il martın 15-də idarə etdiyi minik avtomobili ilə onunla eyni istiqamətdə hərəkət edən “KamAZ” markalı maşına çırpılaraq, 3 saylı Şəhər Klinik Xəstəxanasında dünyasını dəyişib.Bakıxanov qəsəbəsindəki qəbristanlıqda dəfn edilib.
Qeyd edək ki, mərhumun ilk evliliyindən qızı, ikinci həyat yoldaşından isə oğlu var.
