23 İyun 2024 08:28

Xalq artisti Naibə Allahverdiyevan doğum günüdür-FOTO

Azadsöz.az  xəbər  verir  ki,  bu  gün  Azərbaycanın  xalq artisti  Naibə Allahverdiyevan doğum günüdür.Naibə Səyavuş qızı Allahverdiyeva 28 may 1963-cü il tarixində Tbilisidə anadan olub.Naibə Allahverdiyeva M.A.Əliyev adına Azərbaycan Dövlət İncəsənət İnstitutunun aktyorluq fakültəsini bitirib.

Mənə qadağa qoyublar" - Əməkdar artist - xeberler

Naibə Allahverdiyevaya aktyor sənətindən və səhnə danışığında dörd il müddətində Fuad və Zəminə Hacıyevlər, Ələmdər Quluzadə, Mikayıl Mirzə kimi tanınmış teatr xadimləri dərs deyib. Ali təhsilli aktrisa təyinatla Naxçıvan Dövlət Musiqili-Dram Teatrına işləməyə göndərilib.

Naibə Allahverdiyeva arxiv fotosunu paylaşdı

Elə ilk gündən cavan aktrisaya etibar edib, Dudarevin “Astana” tamaşasında baş rol olan Alina rolunu veriblər. Sonra “Apardı sellər Saranı” tamaşasında Saranı, “Gülən adam”da Hersoginanı oynayıb. Qısa vaxtda teatrın əsas repertuarına daxil olan aktrisa üç il bu teatrın səhnəsində çoxlu rollar oynayıb.1994-cü ildən  Azərbaycan Dövlət Gənc Tamaşaçılar Teatrında aktrisa kimi fəaliyyət göstərir. Teatrda ilk rolu D. Mehdinin “O da mənəm, bu da” (rejissor Ağaxan Salmanlı)  tamaşasında Nazlı rolu olub.N.Allahverdiyeva  Ə.Əmirlinin “Bala bəla sözündəndir” tamaşasında Bibi, T.Kazımovun “Səsin sehri” tamaşasında Səfurə, A.Həsənzadənin “Mağara” tamaşasında Xatun, Ə.Dəmirçizadənin “Dədəm Qorqud” tamaşasında Burla Xatun, T.Vəliyevanın “Mənim ağ göyərçinim” tamaşasında Münəvvər, S.Rüstəmin “Çimnaz xanım yuxudadır” tamaşasında Çimnaz rolları yaddaqalan, maraqlı obrazlar  yaradıb.

Kinomuzda gözəlliyi ilə iz qoyan aktrisalar -

Bununla  yanaşı  bir kino aktrisası kimi də bir sıra filmlərdə çəkilib.”Qara Volqa” filmində Rita, “Məhəbbətin hökmü” filmində Cevriyyə rolları aktrisaya tamaşaçı rəğbətini qazanıb.Rusiyada rejissor Mixail Xleborodovun quruluşunda “Cənnətin kuryeri” filmində çəkilib.

Naibə Allahverdiyeva: Axı mən aktrisayam, məndə o qədər pul hardandır... - Unikal.org

N.Allahverdiyeva  2000-ci ildə Azərbaycan Respublikasının əməkdar artisti, 2018-ci ildə isə Azərbaycan Respublikasının xalq  artisti  fəxri adı ilə təltif olunub.