23 May 2024 16:06

“Space” TV-yə yeni rəhbər təyin olundu-FOTO

Azadsöz.az  xəbər  verir  ki, Azərbaycanın Əməkdar incəsənət xadimi, ssenarist, kinoprodüser Müşfiq Hətəmov “Space” teleradio şirkətinə yeni rəhbər təyin olunub.

O, artıq şirkətin kollektivinə təqdim edilib.

Qeyd edək ki, M.Hətəmov 2011–2019-cu illərdə “Azərbaycanfilm” kinostudiyasının direktoru vəzifəsində çalışıb.

Xatırladaq ki, 2006-2021-ci illərdə “Space”in rəhbəri vəzifəsində çalışan Vaqif Mustafayev bu ilin əvvəlində işdən çıxarılıb. Sonra şirkətin rəhbər vəzifəsinin müvəqqəti icrası televiziyanın baş prodüseri Kamil Şahverdiyevə tapşırılmışdı.

Daha sonra bu vəzifəyə ADA Universitetinin baş müəllimi, Təhsil Nazirliyi yanında İctimai Şuranın üzvü, Müasir Təhsil və Tədrisə Yardım İctimai Birliyinin rəhbəri Ülviyyə Mikayılova gətirilsə də, o, bir neçə gün sonra istefa verib.

Müşfiq Hətəmov