Azadsöz.az xəbər verir ki, Azərbaycan Ordusunun Vətən müharibəsində 2020-ci ilin oktyabr ayında Füzuli rayonu uğrunda gedən döyüşlər zamanı itkin düşən leytenant Yusifov Əli Sülhəddin oğlunun nəşi aşkar olunub.
7 aydır itkin düşən şəhid zabitimizin atası Sülhəddin Yusifov bildirib ki, bu gün rayon hərbi komissarlığından ona oğlunun nəşinin aşkar edildiyi haqqında məlumat veriblər.
Qeyd edək ki, şəhidin nəşi sabah – aprelin 30-da Naxçıvan Muxtar Respubpublikasının Şərur rayonunun Oğuz kəndinə yola salınacaq və vida mərasimindən sonra kənd qəbiristanlığında torpağa tapşırılacaq.
