Azadsöz.az xəbər verir ki, rayonun Çaxırlı kəndində şəhidlərin xatirəsini əbədiləşdirmək məqsədilə kəndin mərkəzində tikilmiş “Zabitlər Bulağı”nın açılışı olub.Açılışda Göyçay rayon icra hakimiyyətinin başçısı Mehdi Səlimzadə başda olmaqla kənd sakinləri, şəhidin yaxınları iştirak edib.
Açılışda çıxış edən rayonun başçısı Mehdi Səlimzadə Müzəffər Ali Baş Komandan İlham Əliyevin rəhbərliyi ilə ordumuzun qısa vaxtda düşmən üzərində əldə etdiyi tarixi qələbəni vurğulayaraq, şəhidlərimizin xatirəsinin xalqımızın qəlbində əbədi yaşayacağını qeyd edibdir.
İkinci Qarabağ döyüşlərində əsgərlərimizin göstərdiyi şücaətə toxunan rayon rəhbəri Azərbaycan Ordusunun döyüş əzmkarlığını bir daha qeyd edərək bildirib ki, xalqın birliyi onun gücündən, cəsarətindən xəbər verir.
Tədbirin sonunda Şəhid ailələri onlara göstərilən diqqət və qayğıya görə ölkə rəhbərliyinə minnətdarlıqlarını bildiriblər.
